វិធីសាស្ត្រ ៥ យ៉ាងដើម្បីបញ្ឈប់អំពើពុករលួយក្នុងបរិបទរបស់វា
ក្នុងកំឡុងពេលមានជំងឺរាតត្បាត អំពើពុករលួយនៅក្នុងគម្រោងផ្សេងៗ អាចកំណត់ភាពខុសគ្នារវាងការរស់រានមានជីវិត និងសេចក្តីស្លាប់សម្រាប់ជនក្រីក្រ និងជនដែលងាយរងគ្រោះ។
ហានិភ័យសុច្ចរិតភាពជាច្រើន (integrity risks) គឺជាចំនុចរសើប ក្នុងពេលមានវិបត្តិដោយសារលំហូរនៃមូលនិធិយ៉ាងឆាប់រហ័ស និងការកើនឡើងនូវសម្ពាធ ដើម្បីឆ្លើយតបឱ្យបានលឿន។ ចន្លោះប្រហោងក្នុងប្រព័ន្ធដែលងាយរងគ្រោះដោយអំពើពុករលួយរួចទៅហើយ ត្រូវបានធ្វើឲ្យកាន់ តែមានសភាពធ្ងន់ធ្ងរ នៅពេលមានអាសន្ន។ តម្រូវការនៃការធ្វើលទ្ធកម្មបន្ទាន់ និងក្នុងទ្រង់ទ្រាយធំបង្កើនហានិភ័យនៃការឡើងថ្លៃទំនិញ ការរៀបចំកិច្ចសន្យាប្រកបដោយក្តីសង្ស័យ និងការចំណាយក្លែងក្លាយផ្សេងៗ។
បើមិនទប់ស្កាត់ទេ អំពើពុករលួយគឺអាចឆក់យកផលប្រយោជន៍ ពីអ្នកដែលត្រូវការជំនួយបំផុត ជាពិសេសជនក្រីក្រ និងអ្នកដែលងាយរងគ្រោះជាងគេ។ បញ្ហានេះក៏បំបាក់ទឹកចិត្តប្រជាពលរដ្ឋក្នុងការចូលរួមយ៉ាងសកម្មក្នុងការអភិវឌ្ឍន៍។ ដូច្នេះ អង្គការអភិវឌ្ឍន៍នានា ចាំបាច់ត្រូវសហការ គ្នា ទាំងក្នុង និងក្រៅស្ថាប័នរបស់ខ្លួន ដើម្បីលុបបំបាត់អំពើពុករលួយ និងមិនអត់ឱនចំពោះអំពើពុករលួយដែលត្រូវបានគេរកឃើញ ជាពិសេសក្នុងពេលមានវិបត្តិ។
ខាងក្រោមនេះគឺជាវិធានការមូលដ្ឋានចំនួន ៥យ៉ាង ដើម្បីកាត់បន្ថយហានិភ័យសុចរិតភាព (integrity risks) ក្នុងគម្រោងអភិវឌ្ឍន៍នានា ជាពិសេសក្នុងអំឡុងគ្រាអាសន្ន។
1. ធានាថាគម្រោងផ្សេងៗ មានតម្លាភាព និងយុត្តិធម៌ និងវិធានការគណនេយ្យភាព និងត្រួត ពិនិត្យត្រឹមត្រូវ។ ដូចសុភាសិតមួយបានលើកឡើងថា ការពារគឺប្រសើរជាងព្យាបាល។ ការិយាល័យសុច្ចរិតភាព គួរតែមានការចូលរួមចាប់តាំងពីពេលចាប់ផ្តើម ដើម្បីជួយមន្រ្តីគម្រោងកំណត់ និងទប់ស្កាត់ហានិភ័យសុច្ចរិតភាព រួមទាំងការទាញយកមេរៀនពីការពិនិត្យឡើងវិញពីសុច្ចរិតភាពនៃគម្រោងពីអតីតកាលផងដែរ។
ការយល់ឃើញស៊ីជម្រៅ មកពីការពិនិត្យឡើងវិញនៃសុច្ចរិតភាពសកម្ម ទៅលើភាពបន្ទាន់ និងគម្រោងវិស័យសុខាភិបាល អាចផ្តល់ព័ត៌មានដល់ការពិនិត្យឡើងវិញ នៃគម្រោង COVID-19 ដើម្បីកំណត់ហានិភ័យសុចរិតភាព និងបង្កើតវិធានការដើម្បីទប់ស្កាត់ការក្លែងបន្លំ និងអំពើពុករលួយ។ ការពិនិត្យឡើងវិញទាំងនេះត្រូវបានដឹកនាំដោយគោលការណ៍សុច្ចរិតភាពស្នូល ចំនួន ៣ចំនុច ដែលមានសារៈសំខាន់នៅក្នុងគម្រោងបន្ទាន់ផងដែរ៖
តម្លាភាព។ ការសម្រេចចិត្តសំខាន់ៗ និងភាគីដែលមានចំណែក ក្នុងការទទួលខុសត្រូវនៅក្នុងគម្រោងនានាគួរតែត្រូវបានចងក្រងជាឯកសារឲ្យបានត្រឹមត្រូវ។ អ្នកទទួលផលពីគម្រោង និងអ្នកពាក់ព័ន្ធដទៃទៀតគួរតែទទួលបានព័ត៌មានសំខាន់ៗ ស្តីអំពីការរៀបចំការអនុវត្តគម្រោងឱ្យបានទាន់ពេលវេលា រួមទាំងមូលនិធិដែលមានសម្រាប់ប្រើ តម្រូវការដេញថ្លៃ និងលទ្ធផលផ្សេងៗ ព្រមទាំងអ្នកទទួលបានមូលនិធិផងដែរ។
ភាពត្រឹមត្រូវ។ ការប្រកួតប្រជែងប្រកបដោយយុត្តិធម៌ តម្រូវការនៃគោលបំណងនៃការដេញថ្លៃ និងការវាយតម្លៃមិនលំអៀងគឺមានសារៈសំខាន់ណាស់។ គោលការណ៏លទ្ធកម្ម ត្រូវតែអនុវត្តឱ្យបានត្រឹមត្រូវ និងខ្ជាប់ខ្ជួន។ ក្នុងករណីបន្ទាន់ផ្សេងៗ គោលការណ៏លទ្ធកម្មមានពេលវេលាកំណត់ដែលមានភាពបត់បែនគួរតែត្រូវបានអនុញ្ញាត ប៉ុន្តែត្រូវមានការរៀបចំច្បាស់លាស់ និងលំហូរការងារលម្អិតត្រូវចែកចាយ។ ឧទាហរណ៍ មានការលើកទឹកចិត្ត សម្រាប់ការណែនាំអំពីលទ្ធកម្មអាច ត្រូវបានផ្តល់ជូនក្នុងកិច្ចសន្យា របស់អ្នកផ្គត់ផ្គង់ដែលបានយល់ព្រមជាមុន ដែលបានបំពេញទៅ តាមតម្រូវការសុចរិតភាព របស់ស្ថាប័ន ដែលបានបង្កើតឡើង ដូចជាទីភ្នាក់ងាររបស់អង្គការសហប្រជាជាតិជាដើម។
គណនេយ្យភាព និងការគ្រប់គ្រង។ ការត្រួតពិនិត្យគម្រោងឱ្យបានគ្រប់គ្រាន់ ពាក់ព័ន្ធទៅនឹងការចងក្រងឯកសារ ការត្រួតពិនិត្យ និង ការបញ្ជាក់អំពីការចំណាយត្រឹមត្រូវ។ ភ្នាក់ងារប្រតិបត្តិដែលមានសមត្ថភាពលទ្ធកម្មខ្សោយ ឬក៏បទពិសោធន៍ នៅមានកំណត់ គួរតែត្រូវបានគាំទ្រ។ វាជាការចាំបាច់ដើម្បីរក្សាវិក័យប័ត្រនានា និងតាមដានចលនាសាច់ប្រាក់។ គោលការណ៍ណែនាំស្តីពីការចែកចាយមូលនិធិ និងសៀវភៅណែនាំស្តីពីការគ្រប់គ្រងហិរញ្ញវត្ថុមូលដ្ឋាន គួរតែត្រូវបានបង្កើតឡើង។ ការត្រួតពិនិត្យដោវិធីសាស្រ្តចៃដន្យទៅលើកំណត់ត្រា និងលទ្ធផលគម្រោងផ្សេង គឹអាចជួយទប់ស្កាត់ការក្លែងបន្លំ។
ប្រសិនបើយើងសង្ឃឹមក្នុងការរក្សាគម្រោងអភិវឌ្ឍន៍សំខាន់ៗអោយរួចផុតពីអំពើពុករលួយក្នុងកំឡុងពេលមានជំងឺរាតត្បាត និងលើសពីនេះ យើងទាំងអស់គ្នាត្រូវតែបំពេញតួនាទីរបស់ខ្លួននិងកសាងសហគមន៍នៃក្រុមជើងឯកសុចរិតភាព។
2. ពន្លឿនការស៊ើបអង្កេតវាយតម្លៃអាជីវកម្ម ដោយមិនលះបង់ភាពសុចរិត នៃគម្រោង។ ការ ស៊ើបអង្កេតវាយតម្លៃអាជីវកម្ម អាចនឹងត្រូវបានសម្របសម្រួល ក្នុងភាពអាសន្ន ព្រោះការ ត្រួតពិនិត្យទៅលើសាវតា ជាធម្មតា ពន្យារការអនុវត្តគម្រោង។ វាចាំបាច់ណាស់ក្នុងការ ធានាថាតម្រូវការស៊ើបអង្កេត របស់គម្រោងក្នុងជំហានលឿន នៅតែអនុវត្ត។ ផ្ទុយទៅវិញ ការិយាល័យសុច្ចរិតភាព គួរតែគាំទ្រមន្ត្រីគម្រោង ដើម្បីជួយពន្លឿនដំណើរការនេះ។
3. ពង្រឹងបទបញ្ញត្តិកិច្ចសន្យាស្តីពីការប្រឆាំងអំពើពុករលួយ។ ការរៀបចំ និងលទ្ធផលនៃការអនុវត្តគម្រោង ត្រូវបានកំណត់យ៉ាងច្បាស់ នៅក្នុងកិច្ចសន្យាដើម្បីកំណត់ស្តង់ដាសម្រាប់ការងារ ទំនិញ និងសេវាកម្មដែលគួរផ្តល់ជូន។ ប៉ុន្ដែ តម្រូវការនៃភាពស្មោះត្រង់ អាចងាយស្រួលនឹងត្រូវបានគេមើលរំលង។ កិច្ចសន្យា និងកិច្ចព្រមព្រៀងផ្សេងទៀតគួរតែរួមបញ្ចូលនូវតម្រូវការគោលការណ៏ ប្រឆាំងនឹងអំពើពុករលួយ ដើម្បីធានាបាននូវ គណនេយ្យភាព និងដើម្បីឆ្លុះបញ្ចាំង ពីសិទ្ធិរបស់អង្គការអភិវឌ្ឍន៍ ក្នុងការស៊ើបអង្កេត ការចោទប្រកាន់អំពី ការក្លែងបន្លំ និងអំពើពុករលួយ ប្រសិនជាមានកើតឡើង និង ដើម្បីចាត់វិធានការ ដោះស្រាយ សមស្រប។
4. រក្សាយន្ដការសម្របសម្រួលបណ្តឹងបើកទូលាយ និងធ្វើការស៊ើបអង្កេតឱ្យបានសមស្រប។ អ្នក ពាក់ព័ន្ធ គួរតែត្រូវបានគេផ្តល់ឱ្យ នូវយន្តការបណ្តឹងត្រឹមត្រូវ ដើម្បីការពារការបន្លំ និងអំពើ ពុករលួយ។ ការប្រើប្រាស់បច្ចេកវិទ្យាមានប្រសិទ្ធិភាព អាចជួយឱ្យ អង្គការអភិវឌ្ឍន៍ធានា នូវការបន្តការវាយតម្លៃ ពាក្យបណ្តឹង និង ការស៊ើបអង្កេតចំពេលមានវិបត្តិ។ បណ្តាញ ទំនាក់ទំនងសម្រាប់បណ្តឹងស្តីពីការរំលោភបំពានសុចរិតភាព គួរតែបន្តបើកចំហរ ហើយរាល់ បណ្តឹងដែលទាមទារការស៊ើបអង្កេតត្រូវបានអនុវត្ត។
5. លើកទឹកចិត្តមិត្តរួមការងារ និងប្រជាពលរដ្ឋឱ្យមានការប្រុងប្រយ័ត្នខ្ពស់ និងរាយការណ៍ពីការសង្ស័យទៅលើការលួចបន្លំ និងអំពើពុករលួយ។ ខណៈពេលដែលការរម្លឹកជាប្រចាំ អំពីការប្តេជ្ញាចិត្តរបស់ស្ថាប័នចំពោះភាពស្មោះត្រង់ មានសារៈសំខាន់ ការគាំទ្រយ៉ាងមុតមាំ ការណែនាំ និងការលើកទឹកចិត្តដល់បុគ្គលិកគឺចាំបាច់ដែរ។ ឧទាហរណ៍ តាមរយៈវគ្គបណ្តុះបណ្តាលតាមគេហទំព័រ និងវគ្គសិក្សាអេឡិចត្រូនិច បុគ្គលិកទទួលបាន នូវតុល្យភាពសមស្របរវាងអាទិភាពប្រតិបត្ដិការ និងការត្រួតពិនិត្យជាក់ស្តែង។
ការចូលរួមរបស់ពលរដ្ឋ ត្រូវតែមានការលើកទឹកចិត្ត។ សាធារណជនគួរតែត្រូវបានបំពាក់បំប៉នព័ត៌មានដើម្បីឲ្យនៅតែមានការប្រុងប្រយ័ត្ន។ ឧទាហរណ៍ វិធានការគោលការណ៏ ជំងឺ COVID-19 និងប្រភពថវិកាត្រូវបានកំណត់ដើម្បីជួយដល់ប្រទេសកំពុងអភិវឌ្ឍន៍ គឺត្រូវបានចែករំលែកនៅក្នុង មូលដ្ឋានទិន្នន័យសាធារណៈថ្មីរបស់យើង។ ឯកសារគម្រោងត្រូវបន្តបោះពុម្ពផ្សាយស្របតាមគោលការណ៏ទំនាក់ទំនងសាធារណៈរបស់យើង។
ប្រសិនបើយើងចង់រក្សាគំរោងអភិវឌ្ឍន៍សំខាន់ៗនានា អោយរួចផុតពីអំពើពុករលួយក្នុងកំឡុងពេលមានជំងឺរាតត្បាត និង ក្នុងស្ថានភាពផ្សេងទៀត យើងទាំងអស់គ្នា ត្រូវតែចូលរួមចំណែកនិងកសាងសហគមន៍នៃក្រុមជើងឯកសុចរិតភាព។ បើយើងមិនធ្វើអ្នកក្រនឹងរងទុក្ខ។
ក្នុងពេលមានវិបត្តិនេះ ប្រសិនបើជនដែលងាយរងគ្រោះបំផុត ត្រូវបាត់បង់ជំនួយដោយសារតែអំពើពុករលួយ វាអាចកំណត់ភាពខុសគ្នារវាងការរស់រានមានជីវិត និងសេចក្តីស្លាប់។
បោះពុម្ភ ថ្ងៃទី ២២ ខែកក្កដា ឆ្នាំ២០២០